“A princesa Llorana e a gran inundación”

4 Abril, 2016 by Alicia Nimo 7 Comentarios

Pinchar para ver en castellanoComo sabedes, estivemos inmersos na secuencia didáctica “Contos de princesas que non agardaron ao príncipe”, da que xa fomos desvelando algúns aspectos. Logo de decidir tanto carácter como apariencia física da nosa princesa, e de crear as localizacións, escribimos a nosa historia.

Comezamos co guión do conto, segundo o modelo actancial de Greymas, a través do cal analizamos previamente os contos lidos. Logo fixemos un borrador que tras ser revisado concienciudamente deu como resultado final a historia que vos presentamos, colofón dun traballo de meses. Outro día fálovos máis polo miúdo deste modelo e do proceso de escritura da historia, xa que hoxe, a demanda dos peques é ter acceso ao conto para ensinarllo ás súas familias, mentres non o levemos a impresión. Agardamos que o disfrutedes, nós estamos moi content@s co resultado.